DIALETTO VENETO DOC de Segusin
Raccolta totale poesie lunghe in dialetto veneto 2013
raccolte nel libro “Anema veneta, anima veneta, poesie di
Gian Berra 2014 free in internet.
La machina de fero
A Fener dopo misodì
al sol a va via.
Ma al treno riva istesso.
Paulin anca al torna a casa,
el varda la machina nera
chea sciupa vapor e fumo che al sa de petrolio.
La xe granda e la fa impression,
par squasi che la ride de lu.
Ma dopo al sente i oci che i lo varda, par squasi
che al ga fato qualcosa de mal.
Al xe al capo stazion che ghe fa segno de ndar via.
Basta al segno de na man e na divisa chel al par de
un carabinier che serca un ladro.
Paulin conosse la rabia, ma lu cala la testa
co ubidiensa.
Lu al sa che nissuni de sta zente foresta che vien
da fora, i parla come a Segusin, gnanca come a Fener.
Lori i comanda co na divisa che fa paura.
Lori i e tanti e i comanda. Noialtri gavemo da
taser e far i boni. Tanti de lori anca i ne porta via
le tosate zovane. Tante le va a servir a Milan o a Torin.
E dopo no le torna pi. Tante le scampa no se sa andove.
Anca i zoveni i va via, tanti in Canadà, lontan oltra el
mar.
Dopo i scrive do letere, e basta.
Paulin xe fortunà, lu al ga catà laoro
a Mestre el pol tornar a casa la domenega.
Al camina oltra al pont sul Piave e no se ferma ala osteria.
Oltra al mira Segusin e ghe se slarga al cor.
No, lu non partirà, nol vol perdar de vedar
i so veci e al campanil.
Intanto la rabia ghe fa tornar in mente
la machina fe fero, e la so superbia.
Ma suito al pensa che anca ela,
la ga un paron.
E così al se libera l'anema.
Gian Berra 2013.
Ma si, ancò son cossì content
dopo la ciacolada co Eduardo. Mi no olea metar sta poesia suito; mi me andea de
spetar ncora un poc. Ma parchè spetar a cantar
na roba che noialtri gavemo pi o meno vissuo? La età del scoverzer
l'amor la xe na staion che masci e femene del nostro popolo de anime venete,
che fursi lori na olta i fasea fadiga a viver dopo mille anni de sgarbo verso
la Vita?
A l'è come se la anima de na
bela tosata zovena, la me ga regalà al so attimo pi bel, quande ela sola entro
na camera, la podea esser piena de orgoglio par sè stessa. Fora la era tuta
n'altra roba.
Gian Berra.
Tetine bele.
Marieta la se ga serà la porta col batecol,
sto dopo miodì so mare la ga assada lavase ela sola in la so
camereta
e ela la ga portà su un mastelet de acqua calda,
anca un sugaman e un toco de saon.
La versa un poca de acqua sul cadin, sora la carega.
La se tira indrio i cavei par sentirli bei. Dopo
la li liga col nastrin, così noi i se bagna.
Quande che la taca a sbotonarse la camiseta che gnen i
sgrisoi
a cavarsela. De sot la porta na maieta fina, e dopo la se
cava anca quela.
La se sente meza nuda ma la taca a bagnarse i bras, al col,
la facia.
Dopo la se insaona anca al petto e la panza.
Co le man e na strazza bagnada le se passa anca un poc la
schena,
e dopo la se suga pian pian.
Dopo la varda al batecol con poca de paura,
e la taca a cavarse de sot la gonella e le mudandine.
No la se varda par rispetto e la se ciuca sora ala mastella,
squasi sentada
cercando de no trar fora acqua.
La se passa svelta la strassa su le gambe e i piè
e anca là in medo.
Sta acqua la ghe dà un senso de bel, de san.
Dess la se leva su e la se suga tuta
squasi in pressa. Dopo par che no la volaria
ndar via suito. La se tira in piè, la se slonga la schena e
no la se incorde pi de esser nuda.
Ghe par de olar, la assa andar le man fin sule gambe,
la sente la so pèl coi sgisoi e la se gira, co coraio, a
vardase
sul gran specio consumà dai ani.
Dess, co coraio la se mira
e la se gusta co orgoglio.
A l'è al so corpo bianch e splendente che al ghe roba i oci,
par che lu ghe dise: Son mi al to tesoro.
Ela la varda apena al ciufet de pei, co an poca de vergogna.
Dopo le man le vien su da sole,
le toca senza vergogna le tetine apena nasceste.
La se toca curiosa i capezoi che i vol saltar fora,
e la sente al gusto de viver.
La se gira e la varda la finestra verta, alta sul
trodo dei mulin.
Nessuni pol vedarla, e la se offre ai alberi la de sot,
squasi a dirghe grazzie.
Dopo la varda al sol, e la tira un sospiro.
Marieta la se riveste, ma i pensieri noi ghe ne pì.
Ghe par de aver tocà al paradiso,
ma no lo ghe lo dirà
a nissuni,
parchè i la ciaparia par mata.
La aria la entra par la finestra e la ghe regala
al profumo dei fior de la cassia.
Tutti sti regali,
i e solamente par ela.
Gian Berra 2013.
*Aneme venete.
Sciupar fora la rabia!*
Sciupa fora la rabia, la xe na merda che la ghe fa mal al
figà.
Anca alla panza, all'osel, ale bale e anca alla figa.
Veneti, popolo sentà e co poca forza,
vardè la merda che gavè entro le budele.
Sciupa sta merda e vardala senza aver paura de sto diaol.
Quande la rabia la xe drento la panza, la se sconde ai to
oci, e
la te roba la vita
senza che ti te incorde.
No basta osar o criar, gnanca sognar.
Quande che ti te vede la to rabia, quande te scoverze che
che altri i te ga meso dentro sto velen. No la pol pi
sconderse!
Prima i te ga meso drento la paura anca de parlar scieto.
Dopo i te ga convinto de taser, e far al bon,
parchè così no te andarà all'iferno.
Così ti te sta bon, e ti si contento de essar bon.
Parchè i boni, i te gà dito, i ga sempre reson.
Ma la to anema no la se assa menar par le bale,
ela la te tormenta, la te fa sveiar inrabià,
la te roba i pensieri, e la te remena.
No importa al trodo che te cata,
ma trà fora al velen.
Te piase la bandiera? O te speta le feste par star insieme,
o te lesi
la storia de na olta? Tuto va ben! No importa, sciupa fora
la velen,
sanza aver al timor de far bruta figura.
I pedoci no i stal sol che a Roma,
i xe anca quei che parla co bele parole e che te da reson.
No sta scoltar quei che scoreda sapiensa,
o quei che te promette al paradiso.
Scolta anca al to bus del cul.
Specialmente se al xe al tuo.
E libero, smerda ignoranza, paura, rabia.
La to anema se libera, la se neta ela sola,
la se purga.
E ti, credeghe, ti gavarà sempre reson.
Gian Berra 2013
Al merlo del Pinet.
Le erte dei Singè,
le crode e i sas, e pi sot
la casetta del Pinet.
Al fum del fogo dela sera,
par che al sfoga su par l'aria,
co la la voia de rider e dir che lu a l'è ncora vivo.
Lontan, oltra al Grappa,
al sol par che al dise "se vedemo".
De sotto al paeset se fa scuro,
ma Pinet nol varda fora.
Lu al remena i fasoi co la pasta grossa.
Al fogo al tira negra quela tecia
da massa ani, e al fa fadiga a boiar
al menestron.
Ma sto omo no conta pi i dì da secoi.
Pinet! Urla al merlo Neron; lu al ciama al Pinet
tante olte la dì.
E Pinet lo varda, par che al ride. Ogni olta al ghe
risponde:
Tasì!
Al merlo lo varda ncora naltra olta e par che al ride anca lu.
Neron al xe un merlo fortunà, lu al ga un paron,
che al xe anca un amigo.
Neron se ricorda che na olta, la femena del Pinet,
la ciamava al so om,
tante olte al dì.
Dopo che ela la è morta, nissuni pi lo ciamava.
Neron l'è un merlo furbo. Dess a l'è lu
che lo ciama.
Par no assarlo morir.
Gian Berra 2013
Stram
La mussa de legn la
sbrissa
do dal Frontal,
che par che la tira al mus.
Ma a l'è Nani che al fa fadiga.
Lu no l'è bon de star fermo
e al suda poc, dato che ormai,
al ga si poca carne da consumar.
Lu al varda le siese do par al trodo,
squasi ghe par de vedar
tanti dei de legn nudi
che i segna l'aria
de sto inverno che al par pi fred
de l'anno passà.
Dopo al riva sulla costa.
Lu al vede Riva grassa do bass
coi camin che fuma.
Dess ghe vien la voia de tornar
do a casa soa. Ma al se ferma
an pochet a ligar meio
al stram che al ol scampar via.
Dopo al riva bass e al taca
tirar sto peso su par le case.
Nol cata nissuni par strada.
Al pensa a le do vache che le lo speta.
Dopo al pensa anca ai so fioi che i laora lontan.
Anca al pensa alla so femena.
Lori, tuti i ga dito lu di vender ste bestie.
De assar perder, de far al vecio,
come tuti quei che i passà i ani
dela fadiga.
Quande Nani al riva tacà la stala, a l'è scur.
Al se ferma un poc, e dopo
al scarga le foie sul portego.
Dopo, quande che al mete la so testa entro la stala,
le do bestie le lo varda come si lo spetasse
da sempre. A lu al ghe se scalda al cor
e al se senta sul schegn co la secia in man.
Nol porta suito al lat in te la caneva,
prima al pensa ncora cosa far.
Ma nol cata altro e al sospira.
Quande che vien scur, quande che vien la ora
de fermarse, a Nani ghe vien la paura.
Mai lu, su la so vita, al se ga mai fermà.
Gnanca na scianta, gnaca par zugar,
Nani nol sa cossa sia star fermo.
Dopo al met na man entro al mucio
de stram. Al sente ste foie seche che ghe carezza
la pel. Par che le scampa via, par che le ola.
Par squasi che le ol zugar co lu.
Cossì ghe vien un pensiero: Che sia anca mi stram?
E ghe par de esser na foia seca, una de quele in tel sac.
Na foia che la ga fato la so parte, co impegno
e giudizio.
Dess anca Nani al sa de esser stram,
che par la ultima olta,
lu darà na man,
a quei che al ghe serve.
Gian Berra 2013.
Gnent da far
Luiseta la cata un giornal,
davanti ai cancei del cimitero.
A l'è net e suto, squasi novo.
La lo ciapa in man
come s'il fusse in tesoro.
La se senta sui scalin
e la se desmentega par che,
la è vegnista qua.
La varda i foi, la cerca qualcosa.
No sa gnanca ela. No la sa squasi ledar,
ma la sa che i giornai se varda, se lede.
La vede zente importante,
ma dopo,
quande che la gira la pagina, sta zente
no a ghe xe pi.
Cossì la impara che ghe toca
tornar indrio. Ma no la ga voia,
de tornar par far sta roba. Cussì no se finis mai.
Luiseta la trà via quei foi che i fa confusion.
Dess la varda dò, andove le case e la cesa,
par ghe dighe: Cosa atu fat ancoi?
Ela la se incorde che la è squsi la ora de
tornar a casa. Ma cossa ela vegnista a far quà?
E no la se ricorda.
Ma la taca a caminar zo,
par rivar par ora.
Gian Berra 2013.
Tocio.
Al riva squasi fin dò sul
Cal del pont.
Co calma al gira le piere,
al ipiegnis i foset.
La tera lo suga, ma no basta,
De sera al so paron al riva dò.
Co na mussa de legn cargada, piena.
Lu al scarga ancora, ogni dì.
E ncora tocio se alsa, se leva,
al cola dal stram, lu al scampa via,
nissuni pol fermar al so destino.
Tento al tocio, nol perdona.
Sto quà a l'è tocio de Riva grassa.
De vache sane. De erba taiada a man co fadiga.
Lu l'è tocio san, vero, autentico.
Grass e co valor
de vero ledam,
de Segusin.
Gian Berra 2013
Quand al vien al fred.
Quand al vien al fret svelto ciapa la sciarpa.
Metela sul col,
botona la camisa e vardete dal vent de tramontana
che i diaol i vien do dal Doc.
Da drio la montagna brusa l'inferno e el manda mala aria.
Aria de malatia che vien par farne tuti stal mal.
Varda che drio la montagna al Papa e i soi cardinai e
vescovi
i ga fato scampar le strighe e i stregoni.
Lori era amighi del diaol, lori i era al mal.
Noiatri semo liberi da sto tormento, dato che adess,
vivemo felici parchè andaremo in paradiso,
ga gantio el prete.
Ma lu el magna gratis, noiatri invenze
ne toca tremar de fret.
Noialtri gavemo fato mal a nascer, gavemo fato torto a Dio,
par sta reson ne toca sofrir sta pena.
E patir al fred, tremar e lavarse co l'acqua ingiasada.
Qua a Stramare al sol va via prest, ma sul larin brusa
na stela de cassia. Na stela basta par sperar de viver
fin doman.
Gian berra 2013
Maria no sega pi l'erba.
Maria l'è vecia e no sega pi l'erba.
Maria l'è grossa e bassa e la camina poco segura.
Maria la sbanda ma no la vol al baston,
ela la se vergogna de esser vecia e la varda avanti coi oci
bassi.
La se sconde la testa col fasolet nero a balete bianche.
Maria la serca de no sporcarse la traversa,
e par no sporcarse la camisa nera la se tira su par le
maneghe.
E la tira i piè sule savate come a strasinar quele gambe
strache.
Stamatina la varda i pra a Milies e la se pensa de quande,
tanti ani oltra, col so om e i fioi tacadi ale gambe,
anca ela col rastel la reoltea al fen.
Maria la nasa l'eba segada e ghe vien voia de piander.
Al so primo om ghe la portà via la guerra, al secondo el
vin.
E i so fioi, quei vivi, i e tuti via par al mondo.
Ma i oci de Maria non vol lagremar
parchè se fa fadiga anca a piander.
Dopo Maria la se incorde de esser ancora in piè
e le gambe par che ghe dise che ela l'è ncora viva.
Maria de novo la se scalda al cor.
Stasera la pregharà ancora la Madona par sta grazia.
Dopo la ciaparà sono sanza sognar.
Gian Berra 2013
Ariù, anima de acqua.
Acque gelade e mai ferme.
Mai strache e pi vece dei omeni.
Le vien dò da Stramare, do svelte par le crode sconte.
Le tira i oci a vardarle, come a domandarte
al parchè de sta pressa dei omeni.
Ma ste acque non no le se disturba a risponderte.
No le te varda gnanca.
Queste xe acque che ga da far, no le pensa massa.
No come ti che tu sta a vardarle. Par che le diga:
Dai ven zo a bere, dai svelto no pensar massa.
E mi salte le crode e mete i piè entro la posa.
L'acqua le bona e fresca come un regalo,
e dopo me par de star meio.
Tuti i pensieri de prima i xe scampadi,
senza aver da pregar nissuni.
La testa l'è libera e contenta de viver.
Par che l'acqua la ride.
Ma suito la scampa via.
Gian Berra 2013
Nosele seche.
Ruma sul sest le nosele seche,
che st'inverno saron contenti de magnarle.
Netale ben e scarta quele mate.
Dopo frachele entro el sac e metale via,
dopo scondele ben e tento a no vardarle massa.
Co i riva da Treviso
quei del dazio de Roma varda par tera,
e no alzar i oci.
Quei ladri i ta porta via al vedel ogni ano.
Attento a no vardar la caneva,
che i te porta via al formai e le sopresse.
Mostraghe i to fioi cei, mostraghe anca to nono,
e dighe coe lagrme sui oci,
che te toca vardarlo come sel fusse un bocia.
Dopo varda fora e fa finta de piander.
Atento che quei ladri i ga sempre rason!
Ti dighe sempre de si.
Quande i va fora ti sera la porta,
e no lementarte de aver na sopressa,
e anca doi toc de butiro de manco.
Sugate al nas e le lagreme,
Inciuca do la rabia e sospira.
Mandaghe un pensiero alla Madona,
e tasi.
Gian Berra 2013
Me nono scatàra.
Lu le vecio, el tabaca dopo magnà.
Ma al se contenta, e nol ciacola par gnent.
Me nono al stà ore sentà sul schegn fora da la porta, e
lu scampa entro quande riva al sol o quande vien do la
piova.
Me nono ghe vol ben ala ombria.
Dopo lu al scatara moro su na strassa rossa,
dopo al se suga le lagreme e i so oci i varda alt, su par le
rive.
Lu se gode a vardar le gambe dele femene che passa svelte.
A lu ghe basta vardar, el se gode a far sogni,
de quande al fogo della so pansa ncora brusava.
Ghe basta tirar al fià e no pensar a altro
Ghe fa paura i so ani
de laoro senza fin,
e dopo anca al dolor de la so femena morta de fadiga,
e anca par i so fioi morti par el Re e par Roma,
Anca par i pecai da scontar doman quande ghe tocara morir.
Fortuna che na neoda lo cura,
e la ghe compra al tabac da tirar.
Me nono non scatara par difesa,
lu solamente al sciupa ste pene par tera.
E dopo al tira al fià
naltra olta.
Gian Berra 2013.
Maria la torna dala messa.
La camina fora dala cesa, co le man sul cor.
E la varda su l'aria come a vedar se al mondo
a l'è quel de prima.
Entro la cesa, al prete prima al parlea come se lu al fusse
Dio.
Ma ela la sconde al fastidio, al pensiero che Dio l'è sempre
irabià.
Maria la ga paura de sto creator che al se lamenta sempre
dei so fioi. Maria lo prega e la spera de no farlo rabiar.
Ghe vien in mente suito an pensiero che ghe fa strenzer al
stomego:
Che qualche olta Dio al ride anche lu?
Alora ghe vien in mente Dio che verze la boca e al mostra i
dent.
Adess Maria la ga paura e la sente fret. Quei dent par che i
vol
magnarla, Suito la dis coi laori seradi na ave Maria e la se
sent
come svergognada.
L'è come se la fusse nuda in mezo ala piazza.
Maria la trema tuta e la scampa squasi.
La so casa de Stramare l'è la tacà. La verze la porta e dopo
la sera fora al mondo.
Parchè sto dolor? se domanda Maria. Ma no ghe risponde
nessuni.
Maria alora la se versa un mezo goto de vin pizol, che suito
ghe scalda
al cor.
Svelti i pensieri de pena i scampa e ela se incorde che l'è
quasi miodì.
La ruma le bronze e la parecia l'acqua par la polenta dela
domenega.
Dopo la tira fora an poc de formai e par che de novo
al sol al vien entro dai scuri mezi verti.
Maria la varda fora e la fissa un toco de ciel.
I so oci i voria trar fora lagreme che domanda de sfogarse.
Ma Maria la se vergogna anche de lagremar.
Parchè saria far torto a Dio.
Gian Berra 2013
Spere de no stufarghe tuti, ma qua in montagna da drio de
ogni albero, ma parla le anime dei me veci. E no son bon de no scoltarle.
La vendetta de Bortol.
L'è vegnist do da Riva grassa coi zocoi novi.
I xe quei bei co la
gomma sott la sola.
Le braghe xe quele pontade da drio, ma se sconde ben al
sette,
coa giacheta longa e nera ancora squasi nova.
Do in piaza a Segusin i fa la fiera.
Bortol no ga bestie da vender, e gnanca schei par comprar,
ma lu, come i so amighi i ga voia de vedar an poco de mondo,
e dopo andar entro la osteria de Sbrek a parlar de bestie,
de schei,
e co prudenza, anche
de femene.
Nisuni parlarà de politica parchè gnanca i sa cosa la sia.
Quande chel riva in piassa xe come na festa dove che i oci
no sa dove vardar.
Tuti i omi i xe intorno a sento bestie tute ligade.
Su naltro canton xe vegniste do anca le femene, tutte
insieme come su un puner.
Bortol al gira e al cata da ciacolar e al sogna le bestie pi
bele.
Dopo al fa finta de ndar oltra, ma al passa tacà le femene
par vardar meio.
Nol se incode de do figure che vien vanti.
Al notaio de Venessia, alto, ben vestio, profumà coa
barbetta taiada ben, insieme al sindaco, i se vede davanti sto bacan de merda.
E davanti le femene i lo bloca.
-
Tento bifolco, varda andove
tu camina!
Le femene le ride contente de sto gran coraio. Bortol al
resta là come na merda pena fata.
La vergogna lo blocca, la paura lo fa tremar. Al cata un
canton par tornar a pensar. Dopo al se sconde entro la osteria e al beve do
goti de vin. No pol parlar, al ga la boca serada come na tega coi boton novi.
Ma la vendetta lo ciapa come na colla e
lu al scampa fora e dopo no i lo vede pi nissuni.
I do omeni nobili, al notaio e al sindaco, i tira tardi e i
pensa de andar a far festa stasera a Valdobbiadene. I riva al so caretin e i
sliga al caval par ndar via.
I se senta insieme sul sedil e si mete comodi. Ma i se
incorde tardi che i ga pestà col cul do
buasse ncora calde.
Gian Berra 2013
Lo giuro, stamattina un angelo mi ha mandato in esclusiva
questa parole che vagavano nel vento libere, così prima che svanissero per
sempre le ho raccolte e trascritte in testo. E' stato il vento a darmele. Lo
giuro.
La carega santa del Papa.
Mi son la carega straca del papa,
Son vecia e seca ma so contenta.
Doman i me porta ne a caneva,
dato che el Papa va via.
No che no l'è mort,
no che l'è malà, gnanca che el ga finì i schei.
Al papa al se ga stufà de criar par gnent.
Lu al ga dito a tuti che l'è strac e basta.
Quanto nervoso,
quante scorese me ga toca soportar,
quanta rabia e sconforto.
Ma mi son ncora intiera, anca se vecia!
Ma go visto massa robe sconte
e no ghe la fasso pì e me sento marsa
e senza amor.
Nisuni me ga dito grassie
de portar an peso del genere.
Lu, al papa, nol pesava massa
ma al gaveva pensieri che pesava come na casa,
forse anca de pì.
I diseva che Lu al parlava co Dio.
Ma co mi nol ga mai parlà.
Mai che na olta al me ha dito grassie.
Ma le careghe no a da pensar,
gnanca da parlar,
ganca de lamentarse,
le careghe a da taser,
e basta.
Gian Berra 2013
.gif)
